Qirim-Tatar xalq maqollari


• Quyosh botish uchun chiqadi, inson o‘lish uchun tug‘iladi.
• Quloq ― ikkita, og‘iz ― bitta. Bas, ikki marta eshitib, bir marta so‘zla.
• Yomon xabarning qanoti bor, xushxabarning ― oyog‘i oqsoq.
• Quyon toqqa achchiq qilibdi, tog‘ sezmabdi ham.
• Ilon po‘stini tashlaydi, fe’lini tashlamaydi.
• Kalning oldida oshqovoq haqida gapirma.
• Bilganga chivin ham dutor, bilmaganga doim nimadir kam.
• Do‘sting senga ta’na qilsa, dushmaning kularkan.
• Sherni tirnog‘idan biladilar.
• Ayiq o‘rmondan xafa bo‘ldi, o‘rmon xabarsiz qoldi.
• Go‘shtni tirnoq bilan kesib bo‘lmaydi.
• Sendan biron narsa so‘rashsa shafqatsiz bo‘lma, seni ezg‘ilashsa muloyim turma.
• Qo‘tir echki podani bulg‘aydi.
• Nodonning boshi og‘rimaydi.
• Oq bilan qora bir joyda chiqishmaydi.
• Bo‘ydoqning bo‘ynida bit bor, uning daromadini it yeb bitiradi.
• Ko‘zsiz yashash mumkin, Vatansiz yashab bo‘lmaydi.
• Ishsizlik ― kambag‘allik kaliti.
• Qisqa suhbatda katta ma’no.
• Tuya pashsha tutmaydi.
• To‘pga o‘rgangan tuya do‘mbiradan cho‘chmaydi.
• Cho‘ponga bo‘ri kerak emas.
• Barcha tirik jonzotlar o‘limga mahkum.
• Hamma narsa bo‘lishi mumkin, lekin soqoli yo‘qning soqoli o‘smaydi.
• Qorning hammasi oq, lekin hamma oq narsa qor emas.
• Mix taqani asraydi, taqa ― otni, ot ― mardni, mard Vatanni asraydi.
• Qaerda xo‘roz ko‘p bo‘lsa, tong erta otadi.
• Ahmoq kunduz kuni chiroq yoqadi.
• Tuvak tuvakka “sening yuzing qora” degan ekan.
• Daraxt niholligida egiladi.
• Agar tuyaning qanoti bo‘lganida bironta ham tom omon qolmasdi.
• Yig‘lasa onam yig‘lar, qolganlar yolg‘on yig‘lar.
• Piyola piyolaga urilsa, ikkisi ham sinadi.
• Temir ishlatilmasa, zang bosadi.
• Ishlayotgan temir yarqiraydi.
• Uylanmoqchimisan ― ko‘zingga emas, qulog‘ingga ishon.
• Mingta xola bitta ona bo‘lolmaydi.
• Yugurgan ham, quvgan ham Xudo deydi.
• Qo‘yni o‘z oyog‘idan bog‘laydilar.
• Har baxtsizlikning yaxshi tarafi ham bo‘ladi.
• Ko‘za har kuni suvga boradi, kun kelib uning dastasi qo‘lda qoladi.
• Ajdodlar qanday bo‘lsa, avlodlar ham shunday bo‘ladi.
• Puling bo‘lsa, narhini bilmaysan, narhini bilganingda izlaganingni topolmaysan.
• Chiroy ― ko‘z uchun, aql ― qalb uchun.
• Qon qon bilan emas, suv bilan yuviladi.
• Ko‘pga yugurgan, ozdan ham qoladi.
• Oz bergan ― ko‘ngildan berar, ko‘p bergan ― boylikdan.
• Ko‘p gapirgan ko‘p adashadi.
• Atirgul tergan tikandan qo‘rqmas.
• O’t qaerga tushsa, o‘sha yerni kuydiradi.
• Ortiqcha yaxshilik boshni yormaydi.
• Sigir bolalagandan so‘nggina buzoq haqida gapirish mumkin.
• O’nta hunarni chala bilgandan bittasini to‘liq o‘rgan.
• O’zga bog‘dagi atirguldan bog‘ingdagi tikan afzal.
• Sevgi sevgini keltiradi.
• Yosh o‘sadi, qari qoladi.
• Ishtonni ko‘tarmasdan baliq tutolmaysan.
• Yuzi go‘zal go‘zal emas, sevimli bo‘lgani go‘zal.
• Olomon oldida eshaginingning dumini kesma, birov uzun desa, boshqasi kalta deydi.
• Qarilar so‘zini olmaganning qariguncha biri ikki bo‘lmas.
• Mehnat qilmay, qiyinchilik ko‘rmay ― baxtga erishmaysan.
• Birovning eshigini qoqsang, senikini ham taqillatishadi.
• Baxtsizlik qo‘sh keladi.
• Xaridor yo‘q bo‘lsa sotuvchi ne qilsin? Sotuvchi yo‘q bo‘lsa ― xaridor.
• Bitta laylak bilan bahor kelib qolmaydi.
• Yolg‘iz farzand ― dushmandan battar.
• Yolg‘iz farzand ― farzand emas, qo‘sh farzand ― farzand.
• Egizak bir onadan, ikkovining fe’li har xil.
• Yomon xabar ― uzun oyoq, g‘iybatchi ― uzun quloq.
• Temir ishlab tursa, zanglamaydi.
• Daromad va buromad ― do‘st.
• Daromad va buromad bir aravada yuradi.
• So‘rab-so‘rab Istanbulni topasan.
• Aka ukaga o‘lim ham tilamaydi, omad ham.
• Baliq boshdan sasiydi.
• Odamning yuragi tarvuz emas, so‘yib tomosha qilgani.
• Sarimsoqning shirini bo‘lmaydi.
• Fil chumchuq tug‘ibdi.
• Filni tishidan bilish mumkin.
• Ajal yoshga qaramaydi.
• Eski do‘st dushman bo‘lolmas.
• Dasturxon mehmon bilan fayzli, uy ― bola bilan.
• Yaxshilik qilgan yaxshilik topadi, yomonlik qilgan ― yomonlik.
• Bolang bo‘lmasa bir tashvish, bolang ko‘p bo‘lsa ― mingta.
• Tarbiyani tarbiyasizdan o‘rgan.
• Yaxshi odam tezda boyib ketmaydi.
• Yaxshi so‘z ― asal, yomon so‘z ― kasal.
• Qozonga nima solsang, qoshiqqa ham o‘sha chiqadi.
• Olmaning tagiga olma to‘kiladi.

Davronbek Tojiali tarjimalari – Ziyouz

Bookmark and Share

Bir Cevap Yazın

Aşağıya bilgilerinizi girin veya oturum açmak için bir simgeye tıklayın:

WordPress.com Logosu

WordPress.com hesabınızı kullanarak yorum yapıyorsunuz. Log Out / Değiştir )

Twitter resmi

Twitter hesabınızı kullanarak yorum yapıyorsunuz. Log Out / Değiştir )

Facebook fotoğrafı

Facebook hesabınızı kullanarak yorum yapıyorsunuz. Log Out / Değiştir )

Google+ fotoğrafı

Google+ hesabınızı kullanarak yorum yapıyorsunuz. Log Out / Değiştir )

Connecting to %s

%d blogcu bunu beğendi: