O‘zbek tilidagi yangi lug‘at

Aloqa tarixi muzeyida axborot-kommunikatsiya texnologiyalari atamalari lug‘atining taqdimoti bo‘lib o‘tdi.

Ushbu nashr BMT Taraqqiyot dasturining O‘zbekiston Respublikasi hukumatiga mamlakatni rivojlantirishda axborot-kommunikatsiya texnologiyalarini shakllantirish va joriy qilishda ko‘maklashishga oid (ICTP) loyihasi, Kompyuter va axborot-kommunikatsiya texnologiyalarini rivojlantirishni muvofiqlashtirish kengashi hamda O‘zbekiston aloqa va axborotlashtirish agentligi ko‘magida tayyorlandi.

Lug‘at oddiy kompyuter terminlaridan tarmoq texnologiyalari va dasturlashgacha bo‘lgan barcha turdagi o‘zbek tilidagi so‘zlarni – 4000 dan ziyod zamonaviy atama va tushunchalarni hamda ko‘p ishlatiladigan qisqartma so‘zlarni qamrab olgan.

E’tiborli jihati, mazkur to‘ldirilgan takomillashtirilgan ikkinchi nashrdan 450 dan ortiq diagramma, rasm, fotosurat va logotiplardan foydalangan. Lug‘atning birinchi nashri 2004 yilda chop etilgan edi.

Ushbu nashr AKT bo‘yicha mutaxassislar hamda keng kitobxonlar ommasiga mo‘ljallangan.

O`zA, Toshkent